A Policía Local de Ribeira vén de tramitar dilixencias para someter a xuízo rápido a un veciño do municipio por un delito contra a seguridade viaria.
Os feitos presuntamente constitutivos deste delito aconteceron en torno á 1.20 da pasada madrugada nas inmediacións do porto de Ribeira, cando integrantes da patrulla fiscal e fronteiriza da Garda Civil observaron un vehículo circulando a gran velocidade que mesmo invadía nalgún momento o carril contrario.
Cando lle deron o alto, constataron que o condutor presentaba síntomas evidentes de embriaguez, razón pola cal se puxeron en contacto coa Policía Local para que fixera as probas de alcoholemia.
Os resultados arroxados foron de 0,89 mg/l na primeira proba e de 0,69 na segunda.
A firma tecnolóxica Altia e Amicos suman forzas prol da restauración dos fondos mariños de Sálvora
A asociación Amicos e a empresa tecnolóxica Altia, con sede en Oleiros e centrada en solucións avanzadas de xestión e servizos de consultoría, volveron sumar forzas nunha nova xornada de restauración mariña que levou a colaboración entre ambas entidades ata as augas...
