A modificación da actual ordenanza de terrazas en Boiro será debatida en pleno

08 Setembro 2020

O Concello de Boiro vén de propor para o seu debate no pleno de setembro, que se vai celebrar o vindeiro xoves, unha modificación na ordenanza para a instalación de terrazas no temo municipal. O obxectivo desta modificación é “dar resposta aos intereses da cidadanía e actividades hostaleiras, así como clarificar os procesos de solicitude, autorización e pago das taxas correspondentes”.

O Concello fai saber que nos cambios previstos sobre a ordenanza tivéronse en conta propostas dos propios hostaleiros (que chegaron a través da Asociación Boirense de Empresarios); normas de accesibilidade que non se tiñan en conta no regulamento vixente e medidas excepcionais como os xurdidas a raíz da pandemia COVID-19.

Entre as modificacións que se engaden inclúense cambios nos prazos de presentación de solicitudes. Segundo as actuais disposicións, todos os hostaleiros teñen que facer a solicitude de instalación no mesmo período, entre o 1 de novembro e o 15 de decembro, mentres que na actual actualización recóllense distintos prazos para os distintos períodos de instalación: todo o ano, período estival ou Semana Santa.

Os cambios tamén inclúen modificacións relativas ao horario de peche. Como norma xeral pecharán ás 00.00 horas, pero recóllense máis os días nos que o horario de peche de terrazas se pode ampliar ata as 02.00 horas, os venres, sábados, domingos, vésperas de festivo e durante o período estival.

A proposta inclúe cambios relativos a infraccións, limitacións, condicións xerais ou período de vixencia relativas a instalación de terrazas. O Concello de Boiro propón para a súa discusión no pleno da corporación do vindeiro xoves, a aprobación inicial da modificación da Ordenanza para a instalación de terrazas no concello de Boiro publicada no BOP de 5 de abril de 2010.

Outros artigos

Publicidade

Revista en papel

Opinión

“La Confianza” – José Antonio Constenla

“La Confianza” – José Antonio Constenla

En la actualidad atravesando una crisis de confianza, con mil explicaciones, pero ninguna sencilla ni clara, que dificulta la comprensión del mundo en el que vivimos. Un efecto de estos es que los discursos no sintonizan con la realidad en la que estamos inmersos....