A área sanitaria de Santiago e Barbanza rexistra o primeiro hospitalizado por covid desde o 28 de xullo Os contaxios da covid-19 seguen crecendo en toda aGalicia e a área sanitaria de Santiago e Barbanza non é unha excepción. Nas últimas horas rexistrouse o repunte máis elevado no número de casos activos das últimas semanas ao detectarse sete novos afectados e tamén se produciu o primeiro ingreso hospitalario dun enfermo de coronavirus desde finais do mes de xullo.
A Dirección Xeral de Saúde Pública da Consellería de Sanidade informa que, na última actualización, o número de casos activos de coronavirus en Galicia é de 444, 32 mais que onte. Deles 177 son da área da Coruña, 72 da de Lugo, 34 da de Ourense, 43 da de Pontevedra, 78 da área de Vigo, 35 da de Santiago– O Barbanza, e 5 da de Ferrol.
Do total de pacientes positivos, 2 están en UCI, 21 en unidades de hospitalización e 421 no domicilio. Polo de agora, en Galicia hai un total de 11.381 persoas curadas, rexistrándose 619 falecementos. O número de PCR realizadas é de 260.785.
