O Concello de Ribeira informa da ampliación dos bautismos de mar organizados no marco da Escola Municipal de Vela durante os días 7, 8, 9 e 10 de setembro.
Ofértanse 40 novas prazas cun límite de 10 alumnos por día en horario de 11 a 14 horas e co seguinte calendario:
11:00-11:45 Recepción de alumnos no Club Náutico de Ribeira e clase teórica
11:45-12:15 Montaxe de barcos
12:15-13:30 Navegación
13:30-14:00 Recollida de material
14:00 Saída
Trátase dunha actividade gratuíta dirixida a persoas nadas entre 2012 e 2008 (imprescindible saber nadar). Inclúe clases, material e seguros de responsabilidade civil e de actividade.
As persoas interesadas poden anotarse no Complexo Deportivo da Fieiteira ou enviando un email a deportes@ribeira.gal.
