A agrupación Rianxo en Común que coordina Julián Bustelo deu un novo e decisivo impulso á plataforma que o grupo cidadán en marcha durante a crise sanitaria, comerciorianxeiro.gal, co obxectivo de mitigar as graves consecuencias da pandemia e permitir ao sector produtivo seguir tendo un algo de actividade. O portal, centrado tamén en achegar á veciñanza información actualizada sobre os diferentes establecementos e servizos locais, foi obxecto (estes meses) de continuas melloras e ampliacións, con novas incorporacións de negocios (máis dun centenar) e con recursos extra para convertelo nunha ferramenta útil para cidadanía e comerciantes. Agora, a web, plenamente asentada, inicia unha nova fase en mans da agrupación de comerciantes Somos Rianxo, a quen a agrupación cedeu a xestión da plataforma para que “sexan os propios comerciantes os que a coordinen e manteñan directamente”.
Rianxo en Común tamén explica que “no seu día a plataforma foi posta a disposición do Goberno rianxeiro e de outras entidades do municipio, mais o noso ofrecemento non foi aceptado”.
A agrupación recoñeceu o interese mostrado por Somos Rianxo e os seus esforzos, nestes tempos de crise e pandemia, para “pór en marcha e desenvolver medidas para que o comercio local colla impulso e siga medrando”.
