Comerciorianxeiro.gal xa ofrece información activa dun centenar de negocios locais

28 Maio 2020

Julián Bustelo, voceiro de Rianxo en Común

A web posta en marcha para apoiar e visualizar o comercio rianxeiro antes, durante e despois da desescalada, comerciorianxeiro.gal, segue adiante gañando en participación e repercusión: xa dá acubillo a un centenar de establecementos e, ademais, todo indica a que este número incrementarase a curto e medio prazo.

A páxina, da que falamos en detalle a mediados de abril en O Barbanza, dando conta do seu importante factor de visibilidade para os establecementos que ían volvendo á actividade (ou que seguiron abertos durante o máis duro do Estado de Alarma), foi posta en marcha con recursos propios de Rianxo en Común, co obxectivo de (tamén) de irse afacendo aos cambios producidos durante a evolución da crise sanitaria, introducindo novidades como datos máis completos sobre os negocios acubillados ou información de utilidade para empresas e veciñanza (por exemplo a relación das axudas económicas do Estado, un portal de emprego). Agora, segundo informan os responsábeis da web, todos os servizos incluídos serán “mellorados e incrementados nas vindeiras semanas”.

A páxina, que como dixemos conta xa con medio cento de establecementos, cifra que se quere aumentar día a día, recibe unha media de 100 visitas diarias, o cal, segundo informan os seus impulsores, “dá boa mostra de que se trata dunha ferramenta de utilidade e dun recurso cada vez máis empregado”.

Outros artigos

Publicidade

Revista en papel

Opinión

“Hacia la España federal”. Xosé Perozo

“Hacia la España federal”. Xosé Perozo

Si se cumplen las predicciones demoscópicas, el próximo domingo EH Bildu ganará las elecciones en el País Vasco, superando por primera vez al PNV en escaños y en votos. El fenómeno de crecimiento abertzale está rasgando las vestiduras de muchos politólogos y...