O Concello de Boiro e Club Deportivo Boiro asinan un convenio para a
cesión dun desfibrilador para o seu uso por parte da entidade. O alcalde, José Ramón Romero, e o conselleiro económico do CD Boiro, Marcos martínez, asinaron esta mañá, na Casa Consistorial de Boiro, o convenio de cesión dun desfibrilador para o seu uso polo Concello de Boiro naqueles casos nos que se considere necesario. Na sinatura do convenio estiveron tamén presentes o concelleiro de deportes, Marcos Fajardo, e un dos directivos do CD Boiro, José Martín García.
O obxectivo do Concello de Boiro é equipar deste sistema ao maior número de instalacións e tamén da formación esixida para o seu correcto uso polas persoas con acceso aos mesmos. A administración local dispón, con este, de catro desfibriladores. O Concello de Boiro ten interese de dispoñer do maior número de equipos como sexa posible, polo que irá adquirindo máis de xeito progresivo.
