Tres eran as fábricas de fariña e aceite de peixe que, aló polos anos 50 do século pasado, traballaban en Galicia. A máís importante de todas elas foi -e segue a ser- a de CONRESA (Conserveiros Reunidos, S.A.) redicada en Fontán (Riveira), coñecida popularmente como “a fábrica do cheiro” dado o cheirume que despedían as instalacións da factoría e que, un función da procedencia do vento, “invadía” a práctica totalidade da cidade dese cheiro insoportable. A segunda fábrica era -e segue a ser- a de Harinas y Sémolas del Noroeste, con sede en O Porriño (Pontevedra). E a terceira, pero con moita menor produción, foi a que en Cariño (A Coruña) tivo a conserveira de Teodoro Fanego. Esta factoría realizaba os verquidos a un pequeno río -o Sagrón- tamén coñecido como “o río cheirón” por cuestións obvias. Eran, aqueles, tempos de moita sardiña, xurelo, etc., cuxa venda ás fábricas de fariña e aceite compensaba mínimamente a caída de prezos nas lonxas. Antes de guindar ó mar as copadas de peixe, era preferible xuntar unhas pesetas para, cando menos, reducir o coste do combustible dos barcos.
Hoxendía, a produción mundial de fariña de peixe baixou nun 7,5% en relación ó mes de xuño do ano pasado. O IFFO (Uorgabnización de comercio internacional que representa e promove a industria de ingredientes mariños como a fariña e o aceite de peixe e outras industrias relacionadas) informa que en xuño de 2020 tam´ñen diminuiu un 7,5% interanual a produción acumulada de aceite de peixe e caídas moi significativas na produción de países como Perú, India, Islandia e Estados Unidos. Durante 2019, os produtores da salmón chileno baixaron o seu consumo de fariña de peixe como ingrediente para o alimentos da piscicultura e, ao mesmo tempo, aumentaron a utilización de aceite de peixe.
China é, por moito, o principal mercado de ingredientes marinos. Dempois dos episodios que vinculaban os produtos do mar imputados coa COVID-19 , as autoridades chinesas melloraron as inspeccións dos produtos acuáticos importados e nacionales , contribuíndo ós plans da industria de recuperar a confianza dos consumidores.
(Os ingredientes mariños son produtos nutritivos utilizados principalmente para a alimentación acuícola, a alimentación de animais terrestres, así como para o consumo humano e se derivan de organismos mariños como peixes, krill, marisco e algas).
