Esta finde celébrase a oitava edición da Regata Hotel Galatea en Boiro

19 Agosto 2020

Boiro acolleu este mércores 19 a presentación da 24 edición (oitava en Boiro) da Regata Hotel Galatea, na que colabora o Concello. A experiencia deportiva, que se desenvolve esta fin de semana (coas embarcacións chegando a Cabo de Cruz dende Portonovo, o sábado, e partindo cara a outra beira da ría ao día seguinte), foi dada a coñecer nos seus detalles polo concelleiro de Deportes, Marcos Fajardo, o presidente do Club Náutico de Boiro – Marina Cabo de Cruz, Manuel Fajardo, e o presidente do Náutico de Portonovo, Javier Ruíz de Cortázar. Segundo fixeron saber, van participar arredor de 15 embarcacións, que compiten en 4 clases distintas.

Como dixemos, a proba abrangue dous treitos, o primeiro deles saindo o sábado de Portonovo arredor das 14.00 horas para chegar a Cabo de Cruz sobre as sete da tarde. As persoas participantes van facer noite en Boiro e a saída de novo cara Portonovo será o domingo a media mañá.

Marcos Fajardo expresou a súa satisfacción polo feito de implicarse dous clubs náuticos na organización da proba, amais do Concello: “Para o Goberno local é un orgullo poder colaborar un ano mais coa organización desta proba tan singular e bonita”. Pola súa banda, Manuel Fajardo explicou que se trata “dunha regata profesional pero que non perde a esencia da irmandade entre entidades xa que é unha proba moi familiar na que participan familias”.

Na presentación tamén se fixo saber que as consecuencias da COVID tamén se fixeron notar na preparación da experiencia, xa que, debido á situación actual, adiantouse a data da regata para que non coincidira coa ACT (e así evitar aglomeracións en Cabo de Cruz) e limitouse o número de embarcacións participantes. Porén, non se quixo cancelar pola súa relevancia: “É importante seguir xerando actividade económica, turística e tamén deportiva”, afirmou o presidente do Club Náutico de Portonovo, Javier Ruíz de Cortázar.

Outros artigos

Accidente de tráfico no acceso ao polígono de Espiñeira, en Boiro

Os bombeiros do parque comarcal provincial de Boiro recibiron unha chamada ao redor das 20:00 horas deste mércores 15 de maio alertando dun accidente de tráfico no acceso ao Polígono de Espiñeira coa estrada AG-11, no concello de Boiro. Á chegada dos bombeiros as...

+

Publicidade

Revista en papel

Opinión

“Día das Letras Galegas 2025”. Manuel Dominguez

“Día das Letras Galegas 2025”. Manuel Dominguez

Andrés do Barro, cantante, compositor de soul galego, grandes éxitos dende 1975 onde as linguas do Estado foron confinadas, censuradas, ata acadar o primeiro posto nas listas dos discos máis vendidos en España tres veces seguidas: primeiro en 1969 con O trem , logo en...