En Ribeira versos para Ayaso na clausura da súa exposición

29 Agosto 2020

Os versos declamados por Eva Veiga, Antonio Piñeiro, Patricia Torrado e Carlos Pereira serviron de caloroso homenaxe a Manuel Ayaso na clausura da exposición de gravados que baixo o título “Reflexos da Costa da Morte” estivo a acoller na noite pasada o Centro Cultural Lustres Rivas.

Cun aforo completo (medio centenar de persoas dadas as limitacións covid), os aplausos sucedéronse con cada intervención nunhaactividade que xurdiu a iniciativa de Eva Veiga, quen, durante as súas palabras introdutorias —antes fixo a presentación do evento a concelleira de Cultura María Sampedro— cualificou ao pintor de Aguiño, a quen coñeceu en 1994, como un dos surrealistas máis grandes que ten dado a pintura.


“Estamos aquí para dicirche que te queremos e queremos dicircho con poemas”, manifestou a escritora antes de recitar o poema que escolleu. A continuación tomaron a palabra Antonio Piñeiro (con catro composicións), Patricia Torrado (cuxas poesías creou ela mesma inspirándose en Ayaso) e Carlos Pereira Martínez (con varias pezas, entre elas un Soneto Humorístico para Manuel Ayaso da súa factura).

Recordou o alcalde Manuel Ruiz que quedan dous retos pendentes para ensalzar a figura e o legado do artista: a creación dunha sala permanente na que exhibir a súa obra e a concesión ben dunha medalla de Galicia ou ben dunha medalla Castelao, algo que se leva anos intentando.

Antes de que o propio homenaxeado procedera a realizar en dous quendas unha visita guiada pola mostra, compartiu cos asistentes (entre o público, peosoeiros como Andrés Torres Queiruga, Ciprián Rivas, Daniel Bravo ou Quico Cadaval) unha intervención na que repasou a súa vida e contou numerosas anécdotas, algunhas relacionadas con Salvador Dalí cando lle animou a inspirarse en Galicia á hora de plasmar as súas creacións.

Outros artigos

Xoves regresa o sol e sobe a temperatura

Galicia irá quedando durante o xoves baixo influencia anticiclónica. Con esta situación, agárdanse bancos de néboa matinais en zonas de interior, que darán paso a ceos con poucas nubes en xeral. As temperaturas mínimas terán un lixeiro descenso, mentres que as máximas...

+

Publicidade

Revista en papel

Opinión

“Cando existen intereses contrapostos na pesca”. Antón Luaces

“Cando existen intereses contrapostos na pesca”. Antón Luaces

Dicirmos que hai diverxencia entre o sector pesqueiro e os gobernos (autonómico e/ou central) non é descubrir, arestora, o Atlántico. Resulta tan evidente ese desencontro, que só a desunión permanente no eido da pesca marítima explica que o sector, en Galicia e as...