Unha saída de vía saldouse con dous feridos que tiveron que ser evacuados o centro sanitario. O accidente aconteceu sobre as 9.30 no lugar de Palleiro en Rianxo.
Ao lugar do accidente acudiron efectivos da Policía Local de Rianxo, Protección Civil, bombeiros do parque de Boiro e unha ambulancia do 061. No sinistro víronse implicados dous coches, que chocaron por alcance. Como consecuencia do golpe, un dos vehículos saíuse da estrada e acabou envorcado tras caer por un desnivel.
Os bombeiros colaboraron co persoal sanitario na evacuación dos feridos, pero non foi necesario excarceralos xa que non estaban atrapados. Sufriron contusións, aínda que en principio non presentaban lesións graves. Con todo, foron trasladados a un centro sanitario para ser examinados
