Detido de novo o veciño de Boiro que facía pasar aguardente por xel hidroalcohólico

O detido, investigado e actualmente en liberdade con medidas cautelares despois da súa detención a principios de mes, rompeu o precinto de seguridade do local no que producía o produto.
O produto, que xa no seu día chegou a practicamente todos os puntos de España, mesmo a hospitais, procede dun laboratorio improvisado nunha granxa de pitos e carecía de todo poder desinfectante.

Lembrar que tal como informamos en O Barbanza a finais de xullo a garda civil desmatelou no rural de Boiro un laboratorio de xel hidroalcólico. Foron as queixas de pacientes, que alertaban do  forte cheiro a caña do suposto hidroxel o que destapou a fraude. O equipo investigador apunta que o produto tiña unicamente un 25% de alcol, en lugar de 70% que debería conter como mínimo. A operación, denominada “quimixel” realizouse nunha granxa avícola de polos onde se atoparon outros 4oo litros listos para a súa distribución en toda España. A benemérita retirada xa 6.400 litros distriuidos en hospitais e centros médicos da península.

A venda iniciouse en pleno mes de abril-maio no momento crítico da pandemia da Coronavirus e foi distribuido en centros de saúde e centros comerciais de toda a península. 

Debido á necesidade urxente de produto derivada da pandemia, sinala a Garda Civil, os detidos, que “se ofertaban como químicos con ampla experiencia”, puideron “colocalo facilmente, evitando calquera requirimento documental e de calidade”.

fonte garda civil