Cidadáns e visitantes poderán mercar produtos na plataforma Ribeira Store a partir do sábado 29

27 Agosto 2020

Edelmiro Justo (cofundador de TokApp), Ramón Doval (concelleiro de Promoción Económica) e Ana Barreiro (concelleira de Innovación Tecnolóxica).

A plataforma de ecommerce de Ribeira vai rematar agosto converténdose definitivamente nunha realidade, lista para que a cidadanía e os comerciantes lle tiren o máximo proveito. Segundo informou este xoves 27 o Concello, logo de sete meses de traballo, veciñanza, visitantes e calquera usuario de Internet que o desexe poderá mercar na plataforma Ribeira Store a partir do sábado 29. O obxectivo: botar unha man para que o tecido económico do municipio bote abaixo barreiras e opte a novas canles e mercados de venda, “algo se cadra máis necesario ca nunca trala irrupción da COVID”, explicou o Concello acerca do lanzamento desta ferramenta, abeirada ao Plan Reactiva Ribeira concibido para atenuar os efectos da pandemia.

Demostración, o sábado

Para debullar os detalles da plataforma, que destaca en palabras do Goberno local por ser “versátil, intuitiva e potente”, este sábado ás 12 do mediodía na praza do Concello (ou no salón de actos do Centro Cultural Lustres Rivas en caso de choiva) desenvolverase unha demostración que correrá a cargo de Edelmiro Justo, co-fundador de TokApp, a empresa encargada do desenvolvemento tecnolóxico de Ribeira Store, cuxa última fase de posta a punta antes do seu lanzamento consistiu nunha campaña de captación porta a porta entre os negocios do municipio.

O Goberno local lembrou que TokApp está ultimando tamén o desenvolvemento dunha app do Concello de Ribeira que traerá “diversas funcionalidades” e que estará entrelazada coa plataforma de ecommerce. “Será un valor engadido á hora de aumentar o alcance e o número de potenciais clientes”.

Outros artigos

O xurelo e o lirio de Ribeira viaxan a SALIMAT da man da OPP83

A Sociedade Cooperativa Galega do Mar Santa Uxía de Ribeira (OPP83) viaxará a Silleda para participar no 27o Salón de Alimentación do Atlántico, SALIMAT Abanca 2024. A OPP83 realizará unha degustación para os asistentes na que dará conta das excelencias do xurelo e o...

+

A XXIV Mostra de Teatro Infantil de Ribeira arrinca este 31 de maio

Este martes 28 de maio a concelleira de Cultura, Antía Alberte, presentou a vixésimo cuarta edición da Mostra de Teatro Infantil de Ribeira Daniel Gómez Ramil. Fíxoo na compaña de Óscar Romero, director do grupo infantil municipal. Esta mostra, sinalaron, permite pór...

+

Publicidade

Revista en papel

Opinión

“Cando existen intereses contrapostos na pesca”. Antón Luaces

“Cando existen intereses contrapostos na pesca”. Antón Luaces

Dicirmos que hai diverxencia entre o sector pesqueiro e os gobernos (autonómico e/ou central) non é descubrir, arestora, o Atlántico. Resulta tan evidente ese desencontro, que só a desunión permanente no eido da pesca marítima explica que o sector, en Galicia e as...

“Transcendencia”. Xulio Xiz

“Transcendencia”. Xulio Xiz

Hai uns días, pasando ao lado do edificio da Subdelegación do Goberno, escoitei a voz de Alberto Cortez, procedente dunha fiestra veciña, cantando “El abuelo”. A canción fíxome pensar nas raíces galegas do cantante arxentino, na influencia dos galegos na conformación...