Unha avaria na tubaxe de transporte da auga deixou a boa parte do concello boirense sen subministración de auga potable desde o serán de onte. O incidente rexistrouse no punto de captación do río Coroño en Xermea. Aínda que o municipio abastécese da auga do río Ulla, tamén se serve deste leito fluvial para abastecer á poboación.
A brigada municipal de obras do Concello de Boiro comezou a traballar a medianoite pasada para emendar a rotura dunha tubaxe da rede xeral de auga que deixou sen subministración a boa parte dos habitantes do municipio. Os residentes en Cimadevila e Escarabote foron os primeiros en verse afectados, pero que se trata dun incidente que ten repercusión na totalidade do termo.
A reparación da tubaxe quedou lista ao mediodía e , desde entón, tanto por medio das captacións propias como da procedente da auga do Ulla está a fornecerse ao depósito que abastece á poboación de Boiro. A media tarde o servizo quedou normalizado.
