Boiro inaugura unha biblioteca especializada no mar no Centro Social de Escarabote

05 Agosto 2020

O Concello de Boiro realizou, nos últimos meses, un acondicionamento
xeral do Centro Social de Escarabote coa finalidade de converter o inmoble nun centro de referencia no sector do mar e do turismo. Á inauguración da
Biblioteca do Mar realizada hoxe asistiron o alcalde de Boiro, José Ramón
Romero, a concelleira de Cultura, María Outeiral, e a xerente dos GALP Ría de Arousa, Rosa Carballo.
A biblioteca do Centro Social de Escarabote, que se sitúa na segunda planta do inmoble, foi obxecto de melloras na catalogación dos libros e substitución de mobiliario co obxectivo de mellorar o servizo ás persoas
usuarias. Unha parte da biblioteca especializouse no mar, con documentación, libros e manuais para “centralizar nesta biblioteca toda a documentación da que se dispón e convertela nun centro de consulta de referencia” afirmou o alcalde.
Para a decoración do espazo contouse coa aportación de material náutico doado por José González, que participou de xeito voluntario neste proxecto confeccionando aparellos e nós. O edificio do Centro Social de Escarabote acolle tamén a mostra etnográfica Mar de Boiro, organizada pola Asociación Etnográfica de Terra e Mar (AETEMA), presidida por Xaquín
España, e o departamento de Turismo do Concello de Boiro. Á mostra, que
está xa aberta ao público, chegan viaxeiros das rutas en barco pola Ría de
Arousa que se realizan gracias á AGAN.


Na inauguración estiveron tamén presentes a concelleira de Turismo, Marisa Collazo, o concelleiro de xuventude, Marcos Fajardo, vicepresidente de AGAN, José Manuel Fernández, a xerente de Barbanza Arousa, Fátima
Cachafeiro, Xaquín España e José González.

Outros artigos

Publicidade

Revista en papel

Opinión

“España no va como un cohete”. José Castro López

“España no va como un cohete”. José Castro López

La Comisión Europea eleva al 2,1 por cien el crecimiento del Producto Interior Bruto(PIB) en 2024, cuatro décimas por encima de pronósticos anteriores, prevé que Españacumplirá el objetivo del 3 por cien del déficit que exigen las reglas fiscales, espera quecontinúe...