Boiro acolle esta fin de semana o Campionato Absoluto de España de Bolos feminino, un evento deportivo que se presentou na mañá deste xoves 27 na Casa do Concello, contándose coa presenza do concelleiro de Deportes, Marcos Fajardo, o presidente da Federación Galega de Bolos, Isidro Costas, e o delegado da Federación Galega de Bolos en Boiro e presidente do Club de Bolos Boiro, Manuel Luís Alonso.
A modalidade que se xoga é o bolo celta e vaise xogar no campo de bolos de A Cachada. En total van competir 16 participantes, que van competir tanto de xeito individual como por parellas. O campionato vaise disputar o sábado durante todo o día e o domingo pola mañá. A entrega de premios farase o domingo arredor das 15.00 horas.