A segunda xornada da XXIV Regata Cruceiro – Hotel Galatea repite unha excelente climatoloxía para o broche final desta nova edición.
A pesar de que o Comité de Regatas viuse obrigado a realizar un aprazamento pola ausencia total de vento na Ría de Arousa á hora programada da saída, aos poucos o vento animouse e ás 13:30 realizouse a saída cunhas condicións inmellorables, un vento do 220 que foi rolando ata o 280 e unha intensidade entre os 8 e 12 de nós, que se mantiveron ao longo de toda a xornada.
Nesta ocasión realizouse un percorrido de 17,5 millas, con saída nas inmediacións do porto de Cabo de Cruz, en dirección á Ría de Pontevedra, respectando os baixos dos Esqueiros, respectar os baixos de Paxariñas, pasar o Camouco e dirixirse á chegada que se situou nas inmediacións do náutico de Portonovo.
Ao longo do percorrido e grazas ás excelente condicións producíronse diversas alternativas entre os primeiros de cada unha das clases, o que fixo que fose unha perfecta xornada para finalizar a tempada de cruceiros no C. N. de Portonovo.
Ás 19:00 horas, nas instalacións do CN Portonovo realízase a entrega de trofeos aos vencedores de cada unha das clases, un acto ao cal asisten o Presidente do Club Náutico de Portonovo, D. Javier Ruiz polo CN Portonovo, a Directora Xeral do Hotel Galatea, Dá. Laura Fernández e o propietario, D. José Luis Prieto.
Clasificacións
Grupo A Dos
1º Ay Carmela, del L.M. Bouzas, patroneado por D. Juan Martínez
2º Bon III, del R.C.N. Vigo, patroneado por D. Víctor Carrión
3º Youkoumkoun, del C.N. Portonovo, patroneado por D. Eduardo Segade
Grupo ORC
1º Alma do Mar, del C.M. La Penela, patroneado por D. Jose Mánuel
“Nito” Enríquez
2º Mar de Frades, del Ro Yachts Club y C.D. Alauga, patroneado por D.
Joaquín Carneiro
3º Sebrala 2, del R.C.N. Sanxenxo, patroneado por D. Magín Alfredo
Grupo Open
1º Limay, del C.N. Beluso, patroneado por D. José Luis Smyth.
2º Loreto, del C.N. Portonovo, patroneado por D. Juan Carlos Lázaro
3º Xaira, del C.N. Portonovo, patroneado por D. Pedro Garcia.
