Artes, Corrubedo e Ribeira acollen esta fin de semana cine, máxia, pasarrúas e música de baile tradicional

07 Agosto 2020

Fin e semana con actos en diversas parroquias ribeirenses.

ARTES: Así este venres os “Autocines de Verán” desembarcan esta noite no Centro Recreativo de Artes (22.15) coa longametraxe “Los futbolísimos”. O aforo está limitado a 35 vehículos, e a entrada é gratuíta.

SANTA UXíA: Por outra parte, cómpre lembrar que, mañá sábado ás 22.15 horas terá lugar o espectáculo de maxia e circo “Don Gelati” de Dani García na praza da Porta do Sol de Santa Uxía.

CORRUBEDO O pobo de Corrubedo vai ser escenario este domingo 9 de agosto dunha pequena programación lúdica cadrando coa que, de non ser polo covid-19, debería de ser o día grande das súas festas de verán.
Así, ás 13 horas haberá unha sesión vermú na zona portuaria a cargo do grupo local Os Bugis que se enmarca dentro da iniciativa Rúas Parroquiais impulsada dende a Concellería de Cultura.
E xa ás 21 horas o Grupo Tahume protagonizará un pasarrúas dende o entorno da praia da Robeiriña ata o porto pasando pola igrexa parroquial para culminar cunha actuación no peirao.
O uso de mascarilla é obrigatoria en todos os eventos e velarase polo cumprimento dos protocolos de seguridade.

Lembre que poden ver todo los actos que se celebran en Arousa Norte na AxendaBarbanza.gal

Outros artigos

Ribeira pon en valor o traballo das mulleres no mar

O Concello de Ribeira conmemorou o Día Internacional da Muller no Sector Marítimo rendendo unha homenaxe a tres mulleres extraordinarias que dedicaron as súas vidas a unha profesión fundamental para a nosa comunidade: o marisqueo. O concelleiro de Mar, Fernando...

+

Publicidade

Revista en papel

Opinión