Amicos bótase este xoves á praia do Vilar para lanzar unha mensaxe a prol do mar

26 Agosto 2020

Solpor na praia do Vilar, en Ribeira, nunha imaxe de Trabancos subida ao Flickr

A comunidade de Amicos vaise xuntar este xoves 27 de agosto no Parque Natural de Corrubedo para facer un chamamento polo coidado do noso medio natural, poñendo o foco nos espazos marítimos e na necesidade de pór freo á contaminación, a degradación urbanística e o cambio climático. A cita será no Centro de Interpretación do complexo medioambiental de Ribeira, a partir das 11.00 horas. Levarase a cabo baixo o lema Un día polos nosos mares, ao abeiro do proxecto Libera de loita contra a chamada basuraleza. Consistirá nunha actividade medioambiental de recollida, clasificación e caracterización de residuos no Parque Natural de Corrubedo, na praia do Vilar.

Contarase coa presenza de María Sampedro, tenente alcalde do Concello de Ribeira, Xoan España, director xeral da Asociación Amicos, persoal do Parque Natural de Corrubedo, voluntarios de Amicos e voluntarios do campamento urbano Ociobros.

Outros artigos

Ribeira pon en valor o traballo das mulleres no mar

O Concello de Ribeira conmemorou o Día Internacional da Muller no Sector Marítimo rendendo unha homenaxe a tres mulleres extraordinarias que dedicaron as súas vidas a unha profesión fundamental para a nosa comunidade: o marisqueo. O concelleiro de Mar, Fernando...

+

Publicidade

Revista en papel

Opinión