O porto de Aguiño vai ser escenario na noite do sábado 22 de agosto dun espectáculo denominado “Camiño das Estrelas” que, co patrocinio do Xacobeo, traerá música, maxia e baile á localidade ribeirense.
Así, baixo a presentación de César Romero desenvolveranse as actuacións de As Voces do Camiño (con Ana Paz, Naiara Moore e Tamara Fernández, cantantes da orquestra Cinema), do mago David Maestro, do grupo de baile Grow As Ohana e do artista local Álex Millet, amén doutras sorpresas que se irán desgranando no transcurso do evento.
Todo, no escenario de Radikal, a discoteca móbil máis grande de Galicia.
A actividade arrancará ás 22.15 horas. O aforo é limitado e o uso da mascarilla, obrigatorio.
