Aberto o prazo para que os concellos poidan adherirse ao programa PEL-Reactiva da Deputación da Coruña

19 Agosto 2020

A Deputación da Coruña abreu este mércores o prazo para solicitar as axudas do seu plan de reactivación, segundo informa tras a publicación no Boletín Oficial da Provincia (BOP) da aprobación da convocatoria da nova liña do Plan de Emprego Local ( PEL), PEL-Reactiva, para a reactivación económica e social.

Presentación do programa PEL-Reactiva da Deputación da Coruña

O plan, cun prazo de axudas que terminará o 9 de outubro, pretende impulsar a actividade económica e o emprego nos municipios de menos de 50.000 habitantes para paliar a crise xerada pola Covid-19 nas microempresas e persoas autónomas.

A liña contará cun orzamento de 10 millóns de euros “e supoñerá duplicar o investimento que a Deputación realizará en materia de emprego este ano”, sinala o presidente do ente provincial, Valentín González Formoso. Os fondos poden ser destinados, entre outras cuestións, a gastos de adaptación e acondicionamento dos negocios á nova realidade derivada da COVID-19; compra e instalación de biombos, adquisición de produtos de limpeza e protección, así como a gastos correntes.

O reparto de fondos será completamente obxectivo, baseándose no número de autónomos e microempresas de cada municipio. Para beneficiarse das axudas os concellos deberán adherirse ao Fondo e solicitar a contía que lle corresponda en función deste número. As subvencións a conceder aos Concellos oscilarán entre un mínimo de 11.271,99 euros e un máximo de 550.578,18 euros.

Unha vez concedidas, serán os propios concellos os que anunciarán as convocatorias para que microempresas e persoas autónomas poidan beneficiarse destas contías. A achega provincial constitúe o 80 % da axuda total a distribuír, poñendo os concellos o 20% restante con fondos propios. Sumando o investimento municipal, o orzamento total pode incrementarse ata os 12 millóns de euros.

As solicitudes e resto da tramitación da convocatoria realizarase por vía telemática a través da plataforma SUBTEL, accesible desde a sede electrónica da Deputación da Coruña.

As bases completas do programa poden consultarse no BOP do 18 de agosto

Outros artigos

Rosana Pérez reclama máis solo industrial na comarca do Barbanza

A deputada do BNG Rosana Pérez vén reclamar no Parlamento máis superficie industrial para O Barbanza, ao tempo que lembrou a “escaseza clamorosa” de solo empresarial en Barbanza Arousa, onde os catro parques empresariais existentes (Ribeira, A Pobra, Boiro e Rianxo)...

+

AMBAR abre as inscricións para a 10ª Carreira pola Diversidade

A Asociación AMBAR das Persoas con Diversidade Funcional, con sede e actividade na nosa comarca, xa ten abertas as inscricións da 10ª edición da súa Carreira pola Diversidade. Celebrarase o domingo 14 de xullo ás 10:00h na explanada de Coroso, Ribeira. Trátase dun...

+

Publicidade

Revista en papel

Opinión

“España no va como un cohete”. José Castro López

“España no va como un cohete”. José Castro López

La Comisión Europea eleva al 2,1 por cien el crecimiento del Producto Interior Bruto(PIB) en 2024, cuatro décimas por encima de pronósticos anteriores, prevé que Españacumplirá el objetivo del 3 por cien del déficit que exigen las reglas fiscales, espera quecontinúe...