A policia local de Ribeira atopa a imaxe da Virxe do Cruceiro Novo da Pobra. Satisfacción no concello pobrense

A policia local de Ribeira atopou está pasada madrugada a imaxe da Virxe do Cruceiro de capeliña de Cruceiro Novo da Pobra, desaparecida a finais de abril, roubo do que informamos no seu día en O Barbanza. A talla foi localizada na estrada que vai de Moldes a Palmeira e actualmente atópase nas dependencias da policia ribeirense. O cruceiro de capeliña de Cruceiro Novo está datado na Idade Moderna, séculos XVI- XVIII. A cruz da nome ao lugar da parroquia de San Isidro de Posmarcos.

O alcalde de A Pobra amosou a través das redes sociais a súa ledicia pola recuperación da imaxe e agradeceu á policía local ribeirense e o seu alcalde o labor na recuperación da mesma.

XOSE LUIS PIÑEIRO, ALCALDE DE A POBRA

Hoxe acabo de recibir unha magnífica nova, a figura da Virxe do Cruceiro Novo desaparecida fai uns meses atopouse onte abandonada na estrada de Palmeira a Moldes. Sen pararme moito a pensar que foi o que pasou con ela todo este tempo, a ledicia de que poidamos recuperar un elemento tan importante do noso patrimonio cultural é o sentimento que se impón sobre calquera outro.

Grazas á Policía Local de Ribeira por recollela e grazas a Kelita Montes Moledo por dar aviso e publicalo no facebook.

Aquí tendes unha foto que me acaba de mandar o xefe da Policía Municipal de Ribeira e outra da Virxe no seu lugar, dentro da capeliña do cruceiro. E moitas grazas tamén ao alcalde de Ribeira por atenderme.

Imaxe recuperada. Cedida