A música das mozas rockeiras anima os comezos de agosto en Porto do Son

03 Agosto 2020

O programa cultural de Porto do Son entrou esta semana nun novo capítulo: unha nova entrega de actividades seguras e controladas de cinema e música. A primeira cita organizada polo Concello celébrase este mércores 5 de agosto e é unha nova entrega do ciclo de cinema Son Cine. Proxectarase, ás 22.30 na praza do Curro de Portosín, o filme Cómo entrenar a tu dragón.

Dous días despois, o venres 7, teremos unha boa ración de música para a rapazada da man de A Gramola Gominola, a banda de música de rock xuvenil que, da man da programación da Rede de Cultura da Deputación da Coruña, ofrecerá o concerto de presentación do seu disco Bravas, un libro-CD (Galaxia) de “auténtico rock&roll para reivindicar ás nenas, mozas e mulleres superheroínas atarefadas a día de hoxe en cambiar o mundo cos seus superpoderes”.Será ás 12.00 horas na praza de España de Porto do Son.

Ao día seguinte toman o relevo The Teta’s Band, que achegarán unha sesión vermú na praza do Curro de Portosín, o sábado 8 de agosto. The Teta’s Band é un grupo de rock feminino galego, creado en Ourense e especializado en dar viraxes sonoras inesperadas a todo tipo de clásicos, ao mesmo tempo que reivindican “a loita contra as inxustizas que nos tocan a todas, a través da nosa lingua galega”.

A semana de cultura sonense remata o domingo 9 de agosto co espectáculo de Música China, ao mediodía (sesión vermú) na praza de España de Porto do Son.

Outros artigos

Publicidade

Revista en papel

Opinión

“Meus irmáns” – Xulio Xiz

“Meus irmáns” – Xulio Xiz

Fóronse meus dous irmáns: Mato, o maior, e Santi, o pequeno. O maior, morreume hai unhas semanas. O máis novo, o día do Pai. Se Xesús tivo vida longa e froitífera, Santi foise moi cedo despois de poñer unha pica en Bristol. Os tres somos tamén agora irmáns en terra:...