A Deputación da Coruña apoia con 58.476,51 euros a actividade das agrupacións, asociacións e asociacións de agrupacións de voluntarios de Protección Civil da provincia da Coruña.
O BOP publica hoxe a concesión provisional destas axudas, que beneficiarán ás asociacións e agrupacións dos concellos de Cerceda, Porto do Son, Zas, A Laracha, Vedra, Betanzos, Carnota, Muros, Oroso, Vilasantar e Negreira.
A axuda para a Agrupación de Voluntarios P. Civil de Porto do Son será destinada a subministracións: (vestuario non inventariable, duración inferior a 1 ano), compra de bens destinados á actividade (material non inventariable).
Desde a Deputación indican que con esta axuda “damos o noso apoio a un servizo público esencial, sobre todo para os concellos do rural, e que nesta crise sanitaria amosou o seu compromiso á hora de axudar á poboación galega nun momento tan complicado” declarou o presidente da Deputación, Valentín González Formoso.
As subvencións poden consultarse na BOP de hoxe https://bop.dicoruna.es/bopportal/publicado/2020/08/10/2020_0000005542.pdf
