A Asociación Boirense de Empresarios (ABE) realizou no mediodía deste luns 17 o sorteo da campaña de promoción empresarial que desenvolveu a entidade durante este verán e na que participaron 50 empresas asociadas de todos os sectores: comercio, hostalería, servizos.
A campaña, a través da que se distribuíron 48.000 rascas, consistiu no subministro de tarxetas aos clientes con 2.000 euros en premios directos (camisetas, gorras, bolsas de praia e a nova bolsa #sonboiro da ABE de algodón orgánico) e máis no sorteo de 1.000 € en vales de compra repartidos en 3 premios de 500, 300 e 200 euros.
A ABE indicou que tanto os premiados coma os suplentes deberán identificarse na asociación entregando o seu DNI e o seu rasca premiado antes do 24 de agosto ás 12:00 horas. Os premios en vales de compra poderanse utilizar nos establecementos participantes.