Xa arderon 30 hct. en Nebra. Sigue a situación 2 no lume forestal, por proximidade ao núcleo de Queiro

A Consellería do Medio Rural activou a alerta por proximidade a casas no incendio forestal que este martes afecta á parroquia de Nebra en Porto do Son.

Hidroavións cargando en Portosin esta tarde. X.S.

A proximidade das chamas ao núcleo de Queiro, obrigou a decretar a coñecida como ‘situación 2’. É a primeira vez nesta campaña de incendios que a Xunta decreta esta medida de alerta ante a proximidade de incendios a núcleos habitados.

Incendio en Nebra. O Son. Video X.S.

Segundo as primeiras estimacións de Medio Rural, a superficie afectada é de 30 hectáreas. O de Porto do Son é un dos tres incendios forestais que se atopan activos esta tarde de martes en Galicia xunto con outros dous que afectan os concellos ourensáns de Padrenda e A Gudiña. O incendio na parroquia de Nebra, iniciouse ás 16,51 horas e nel interveñen sete helicópteros, seis avións, cinco motobombas, dúas pas, once brigadas e cinco axentes participan nas tarefas de extinción.

Vista aerea do incendio realizada pola Brif de Laza (Brigada de Reforzo de Incendios Forestais, (BRIF))