Tarabela Creativa recreará en Boiro como era o quefacer diario (e narrativo) das costureiras

O ciclo de espectáculos de narración oral de Verán Cultura (Concello de Boiro) inaugúrase o vindeiro 15 de xullo co espectáculo Costureiras de Tarabela Creativa. Forma parte dun programa cultural co que se tratou de ofrecer seguridade (con medidas que garantan as mellores condicións sanitarias e eviten aglomeracións), diversidade (con espectáculos para todas as idades e gustos) e descentralización (cunha axenda que abrangue unha manchea de localidades boirenses).

Costureiras, o primeiro dos espectáculos de narración oral que se vai realizar no Lavadoiro de Bao, estará interpretado por Ángeles Goás e Caxoto é un diálogo a dúas bandas que narra como era a vida das costureiras.

Vai ser o martes 14, ás 21.00 horas, no Lavadoiro de Bao. O aforo é limitado e as entradas poden reservarse a través do enderezo electrónico cabodecruz@boiro.org ou o mesmo día do espectáculo por orde de chegada.