O estreno da película esta pasada noite da ‘A illa das mentiras’, de Paula Cons na plataforma FILMIN, segue a acaparar a atención de medios de comunicación. Esta semana as distintas emisoras de radio RTG, Onda Cero, COPE, SER, etc. entrevistaron á directora da película e a eles unironse os medios escritos como O Barbanza que ven publicando ampla información sobre a película desde a súa presentación en marzo do 2019 na inicia da rodaxe. Trátase dun thriller que saca á luz a historia das tres heroínas de Sálvora no naufraxio do Sant Isabel, aínda que non é a historia da traxedia.
Onte era El País na súa edición Galicia o que facia un comentario sobre a película co título de “El Titanic gallego” , e hoxe o portal de viaxes traveler.es publica un amploa rtigo baixo o título “Sálvora: una isla gallega salvaje y tres heroínas“….
“Un thriller intrépido protagonizado polas nosas avoas con pano”. Así lle gusta á directora Paula Cons definir A illa das mentiras (estrea 24 de xullo en Filmin), a película que, por fin, saca do esquecemento ás heroínas de Sálvora, tres mulleres, María Fernández, Josefa Parada e Cipriana Oujo, que na madrugada do 1 ao 2 de xaneiro de 1921 lanzáronse ao mar para buscar sobreviventes do naufraxio máis grande da costa galega, o Santa Isabel, ou o Titanic galego. “Eu, en realidade, son xornalista, e sempre me gusta escribir cousas baseadas en historias reais”, explica Cons, que debuta na ficción con esta longametraxe. “Ademais, a historia de Galicia contróloa bastante e sorprendeume moito que de súpeto me chegou unha amiga, tamén xornalista, que vira unha pequena exposición sobre o naufraxio… E eu non tiña nin idea desta traxedia, nin destas señoras, quedei totalmente alucinada, empecei a tirar do fío e engancheime definitivamente por elas”…..segue.
