A Policía Local de Boiro informa da prohibición de aparcar vehículos nun treito específico da avenida da Constitución “polo paso de transporte de grandes dimensións”. A prohibición de estacionar atinxe á marxe esquerda do carril, a que está comprendida entre a rotonda de Cimadevila e o cruce coa rúa Norberto Pijuán. Esta prohibición será o mércores día 8 de xullo, entre as 7.00 e as 13.00 horas.
O motivo desta disposición é o paso de transporte especial, en concreto un camión que transporta a ultima das pezas que forma parte do espigón da obra que se esta a realizar nos pantalóns de Cabo de Cruz. Unha estrutura de formigón de 5 metros de ancho por 20 de longo.
