O Club Náutico Arousa Norte da Pobra do Caramiña retomará a súa actividade o vindeiro 18 de xullo, coa disputa da última proba da I Regata Arousa Norte, o Trofeo A Casa da Tía Elisa, que foi aprazado esta primavera por mor da emerxencia sanitaria pola COVID19 e que sumará, na data prevista, a dúas probas celebradas: o Trofeo A Poutada e o Trofeo Pazo de Rubianes. Destes dous acontecementos deportivos podemos atopar cadanseus resumos nas publicacións do Facebook do club pobrense do 29 de febreiro (Trofeo A Poutada) e do 7 de marzo (Trofeo Pazo de Rubianes).
Ademais, o Club Náutico Arousa Norte informará a todos os participantes das medidas de seguridade establecidas no protocolo publicado no Diario Oficial de Galicia da Resolución 15 de xuño de 2020 da Secretaría Xeral para o Deporte.
Por outra banda, o club pobrense confía en que o capítulo de boas novas non quede pechado coa nova data do 18 de xullo para a I Regata Arousa Norte e que en breve sexa posíbel saber a nova data estival para a XII Volta a Ons, que tamén foi aprazada por motivo da COVID-19.
