O 14 de agosto proxéctase o filme María Solinha en Rianxo

30 Xullo 2020

O vindeiro sábado 14 de agosto, ás 22.30 horas, celebrarase na praza Castelao de Rianxo a proxección do filme galego María Solinha, dirixida por Ignacio Vilar, autor tamén de obras audiovisuais tan senlleiras como a adaptación cinematográfica de A Esmorga ou a máis recente Sicixia, rodada na Costa da Morte. A proxección, debido á situación sanitaria actual, terá o aforamento limitado. Será imprescindíbel inscribirnos na páxina web do Concello até as 13.00 horas do 13 de agosto.

Respecto do filme, nárranos a chegada a Cangas dun afamado director que ten o proxecto de reconstruír no teatro a historia de María Solinha, acusada de bruxería e queimada pola Inquisición no século XVII. A protagonista da obra de teatro vai sufrir, no século XXI, acedos ecos da agresión que sufriu María Solinha no século XVII. O filme está dirixido por Ignacio Vilar e interpretada por Grial Montes, Laura Míguez, Santi Prego, Mabel Rivera e Antonio Durán “Morris”. O guión é de Esther F. Carrodeguas, Ermel Morales e Ignacio Vilar.

Outros artigos

Rosana Pérez reclama máis solo industrial na comarca do Barbanza

A deputada do BNG Rosana Pérez vén reclamar no Parlamento máis superficie industrial para O Barbanza, ao tempo que lembrou a “escaseza clamorosa” de solo empresarial en Barbanza Arousa, onde os catro parques empresariais existentes (Ribeira, A Pobra, Boiro e Rianxo)...

+

Publicidade

Revista en papel

Opinión