Un coche queda encaixado no escaparate dun establecemento comercial situado na confluencia das rúas Vilar e Río Azor, en Palmeira-Ribeira. Foi unha persoa particular quen alertou do suceso mediante a súa chamada ao 112 Galicia cando faltaban uns minutos para a unha da tarde. Segundo explicou, o vehículo saíuse da vía e encaixouse contra a tenda sen causar danos persoais no interior do establecemento, aínda que si pediu asistencia para os ocupantes do vehículo.
A pesar do golpe, todos estaban liberados e accesibles, pero con algunhas lesións que obrigaron a intervir aos profesionais de Urxencias Sanitarias de Galicia-061. Ademais, acudiron os axentes da Policía Local e os membros do Servizo Local de Emerxencias, así como unha patrulla da Garda Civil de Tráfico.
