En Boiro avanzan de xeito favorable os casos positivos da COVID-19

O Concello de Boiro celebrou esta mañá unha nova Comisión de Seguimento da Evolución da Covid-19 para tratar a evolución da pandemia no municipio. Non hai novos casos confirmados e os positivos activos melloran de xeito favorable. Á xuntanza, presidida polo alcalde, asistiron a coordinadora de Servicios Sociais, o coordinador de Protección Civil, o oficial-xefe da Policía Local e tamén o traballador social do Centro de Saúde de Boiro e representantes da Cáritas e Cruz Vermella.
O pasado luns, ante a aparición de novos casos positivos por coronavirus no municipio, o Concello de Boiro reactivou a Comisión de Seguimento da Evolución da Covid-19. Desde a xuntanza mantida o luns non se detectaron novos casos de contaxio e os activos neste momento evolucionan de xeito favorable. Gracias á coordinación do departamento de Servicios Sociais e o centro de saúde as persoas positivo reciben toda a atención necesaria.
Na comisión deuse conta tamén das novidades con relación ás necesidades xurdidas durante o confinamento e que foron derivadas a Cáritas
para o suministo de alimentos de aquelas persoas ou familias en situación de vulnerabilidade social. A coordinadora de servicios sociais deu conta tamén das baixas no Servizo de Axuda no Fogar urxente que se activaron durante o confinamento ao volver abrir e prestar servizo o Centro de Día de Boiro. Desde Protección Civil continúase coa programación de baldeos e
desinfeccións diarias nas rúas e núcleos de municipio e a Policía Local está a intensificar o control da poboación no uso de máscara de protección e tamén no control de cumprimento de aforos para evitar aglomeracións.