Boiro habilita 120 novas prazas de aparcamento na praza da Mancomunidade

O Concello de Boiro está a traballar por aumentar as prazas de aparcamento no centro urbano para favorecer o comercio. O goberno local vai comezar o luns as tarefas de acondicionamento dunha finca situada na Praza da Mancomunidade para destinar a aparcamento público e habilitar unhas 120 prazas de aparcamento para favorecer o comercio local.
O novo espazo de estacionamento vai estar situado nunha finca da praza da Mancomunidade e vaise acondicionar de xeito que quede unha capacidade para uns 120 vehículos no centro do municipio. Estas novas prazas de aparcamento van ser gratuítas e, o que se pretende, é gañar espazo para
estacionar na zona centro, con intención de favorecer o comercio e a hostalería.
O Concello de Boiro traballa para favorecer as zonas de aparcamento no
casco urbano. Neste ano xa se habilitaron unhas 80 prazas na Avenida da
Constitución, onde se retirou o espazo de estacionamento de camións. A
vindeira semana abrirá ao público o aparcamento de A Boqueira de A Negral, co que se van gañan 60 prazas, ás que se lle van suman as 120 que se van habilitar na praza da Mancomunidade.
As tarefas de desbroce e acondicionamento desta finca empezarán a vindeira semana para que o aparcamento estea operativo para o uso da
cidadanía este verán.

Praza da Mancomunidade Boiro