A Pobra está a ofrecer este verán un programa de actividades alternativo, con experiencias enriquecedoras que mergullan a veciños a visitantes na cultural local ao tempo que se garante, con formatos controlados e de mediano-pequeno formato, a seguridade dos participantes. Un exemplo disto son as actividades de turismo mariñeiro con mariscadoras e mariscadores de a pé do termo municipal. Serán o venres 17 e o 24 de xullo. O venres 17 haberá unha visita guiada a partir das 9.30 horas. O percorrido guiado vai partir da Casa Mariñeira (oficina de turismo municipal).
Nesta experiencia innovadora as persoas encargadas de facer de guías e explicar o traballo a pé de praia serán as propias mariscadoras da Pobra. Ademais, as persoas participantes vanse poder meter ó mar con elas e aprender a manexa-los seus útiles de traballo (rastro, angazo, sacho…), a distinguir entre as distintas especies de bivalvos que se collen nas nosas augas, e tamén a calibra-los talles mínimos…
Organiza a Asociación Mar da Pobra e a Concellaría do Turismo da Pobra do Caramiñal.
