Arrincan as Festas de Ribeira con lecer para a rapazada e concertos de Sumrrá e Tanxugueiras

31 Xullo 2020

Co remate de xullo e co comezo de agosto arrincan as Festas de Ribeira máis distanciadas e controladas da historia da localidade: unhas festividades que se dirixen a compensar, con boa música de balde e un completo programa de lecer para a rapazada, as restricións obrigadas pola actual crise sanitaria, rigorosamente aplicadas polo Concello en todas e cada unha das citas.

As actividades arrincan este venres 31 de xullo coa cita infantil Cantando, Contando, que se desenvolve na praza do Concello (en horario de 11.30 a 14.00 horas e de 18.00 a 21.00 horas) e que inclúe xogos infantís de refugallo (cada 10 minutos nunha zona acoutada e cun número limitado de crianzas), un touro mecánico (para nenas e nenos de entre 4 e 12 anos), un xogo de varredora (para rapaces de 4 a 12) e granizados de balde. Ao abeiro de Cantando, Contando actuará o pallaso Popín, en pases previstos ás 13.00 e máis ás 20.00 horas.

Ao día seguinte, sábado 1 de agosto, a música tomará a palabra. E farao, primeiro, da man de Sumrrá, que amenizarán cun concerto o mediodía no parque García Bayón, a partir das 13.00 horas (aforamento limitado). Pola noite actuarán as mozas de Tanxugueiras, que ofrecerán un concerto ao abeiro da súa xira Contrapunto, no paseo do Malecón ás 22.15 horas. Logo será a quenda dos Os Liantes, que actuarán no paseo do Malecón ás 00.30 horas (nos dous concertos habilitarase aforamento en recinto acoutado, entrada por rigorosa orde de chegada e obriga de carrexar máscara).

Sen saírnos da xornada grande do 1 de agosto, lembrar que ás 19.30 horas, no Malecón, está previsto que se desenvolve a misa na honra do Virxe do Carme.

Ao día seguinte, domingo 2 de agosto, o epicentro das actividades desprázase até Bandourrío, onde se celebrará, na praza de Pontevedra a partir das 13.00 horas, un concerto de Leite con Jalletas (baixo as devanditas normas de seguridade sanitaria que se aplican nos demais espectáculos das celebracións).

De xeito paralelo e complementario, o Concello lembra que esta finde seguirán as proxeccións de auto-cinema nas parroquias. Desta volta é quenda de Olveira, que acollerá, no Pavillón de Sirves, a proxección da película infantil Al aire patos, a partir das 22.15 horas (aforamento limitado a 25 vehículos)

Outros artigos

O Concello de Ribeira xa dispón do seu propio bastón

Entrega do bastón de mando (imaxes de José Manuel Martínez, Concello de Ribeira) Na maña do pasado 14 de xuño celebrouse a xunta de coordinación ordinaria no Concello de Ribeira, unha xuntanza que rematou dun xeito que tivo pouco de ordinario: coa estrea oficial, no...

+

Ribeira homenaxea este martes á actriz Susana Sampedro

Este martes 25 de xuño o Concello, a Corporación e a cidadanía de Ribeira van render homenaxe á actriz local Susana Sampedro (Ribeira, 1978), recentemente distinguida co Premio Mestre Mateo 2024 á mellor actriz de reparto na longametraxe Matria, de Álvaro Gago,...

+

Publicidade

Revista en papel

Opinión

“La Confianza” – José Antonio Constenla

“La Confianza” – José Antonio Constenla

En la actualidad atravesando una crisis de confianza, con mil explicaciones, pero ninguna sencilla ni clara, que dificulta la comprensión del mundo en el que vivimos. Un efecto de estos es que los discursos no sintonizan con la realidad en la que estamos inmersos....