A Asociación Amicos está estes días recobrando de xeito progresivo a súa actividade, adaptando as súas liñas de traballo e atención á complexa nova normalidade post-COVID que estamos a vivir este verán. Segundo informou a dirección da entidade, os seus centros de atención diúrna para persoas con diversidades funcionais ou motrices reabriron as súas portas despois de terse declarado o Estado de Alarma o pasado 14 de marzo. Fano ao 50% da súa capacidade, até que a situación se estabilice e se teña superado ao cen por cen a crise sanitaria.
No caso de que a o estado de cousas mellore e desapareza o risco, a entidade confía en ampliar o seu nivel de actividade nun 75 ao longo deste mes de agosto, co fin de acadar en setembro o que se pode chamar un rendemento total.
Estas disposicións chegan logo de meses de crise sanitaria que achegaron unha ampla marxe de incerteza para Amicos, e máis logo de que se tivesen detectado casos de usuarios e traballadores contaxiados na súa residencia de Boiro, unha situación que rápida e eficazmente atallada pola dirección da entidade e o seu equipo de profesionais.