A Pousada da Galiza Imaxinaria, o emblemático local de concertos de Boiro, vén este verán con forzas renovadas, logo do longo e complexo período de resistencia ao que tivo que ser sometido por mor da emerxencia sanitaria. Este sábado 18 o público pode ir quitándose de enriba a fame de música cunha Electro Party Tropical cuxas entradas xa están a venda. Contarase coa presenza dos DJ Alex Lojo e Álvaro M e Brenlla.
O sábado 25 será a quenda do flamenco jazz de Antonio Lizana Music Trio (entradas a dez euros), o venres 31 das evocacións fronteirizas de Arizona Baby (entradas a 15 euros anticipadas e a 18 na billeteira) e o xoves 6 de agosto os aires rockeiros de King Sapo (entradas a 10 euros). As entradas, como de costume, están á venda en Baldani Tenda e máis na propia Pousada.
En breve serán dados a coñecer máis datas e máis concertos.