A Pobra acolleu a presentación do novo Premio de Literatura Infantil Carlos Mosteiro

30 Xullo 2020

O Concello da Pobra, a Editorial Galaxia e a Asociación Cultural Barbantia presentaron este xoves 30 de xullo os detalles da terceira convocatoria do Premio de Literatura Infantil Carlos Mosteiro, impulsado polas tres devanditas entidades de xeito conxunto. No acto celebrado no Consistorio da Pobra participaron a concelleira de Cultura, Patricia Lojo, o director xeral de Galaxia, Francisco Castro, o presidente de Barbantia, Manuel Cartea, o alcalde da Pobra, Xosé Lois Piñeiro e a viúva de Carlos Mosteiro, Lourdes Briones.

Segundo fixeron saber, o xurado desta terceira convocatoria estará formado por Francisco Castro, director xeral da Editorial Galaxia, Xose Antonio Neira Cruz, gañador da segunda edición deste premio e Mª Eulalia Agrelo Costa. filóloga e ensaísta galega.

O prazo para a presentación de contribucións estará aberto este verán até o 30 de setembro.

O galardón, que poderá non ser outorgado (se o xurado estima que ningunha das obras presentadas acada a calidade requirida), considerará unha única contribución gañadora, á cal se lle asignará unha dotación económica de 1.500 euros. O ditame darase a coñecer no día 30 de outubro e a entrega do premio será o 20 de novembro.

Como lembraremos, o recoñecemento da anterior convocatoria foi dar ao escritor Xosé A. Neira Cruz por O enigma do baúl pechado.

O Premio de Literatura Infantil Carlos Mosteiro ten como finalidade honrar a figura do recentemente falecido Carlos Mosteiro, escritor fundamental da literatura infantil e xuvenil amais de ser un autor moi estreitamente ligado á nosa comarca.

Outros artigos

A Pobra dará a benvida ao Nadal no 2 de decembro

O prendido das luces e máis a inauguración do belén municipal marcarán o inicio do Nadal na Pobra do Caramiñal neste 2 de decembro. O acto terá lugar na praza Alcalde Segundo Durán, ás 18.00 horas, cando se ilumine a árbore alí situada e os Xardíns de Valle-Inclán,...

+

A Pobra condenou a violencia machista neste 25-N

Xornada de reflexión, sensibilización e reivindicación. A Pobra do Caramiñal condenou as actitudes machistas neste 25 de novembro, Día Internacional da Eliminación da Violencia contra a Muller, cos actos centrais que marcaron o punto final á programación da campaña...

+

Publicidade

Revista en papel

Opinión

“Villa de Pitanxo: quen minte aquí, señoría?”. Antón Luaces

“Villa de Pitanxo: quen minte aquí, señoría?”. Antón Luaces

Case que dous anos despois do naufraxio en Terranova do arrastreiro de Marín "Villa de Pitanxo", seguen as contradicións nas declaracións do patrón e un sobriño deste, as da casa armadora Nores, e un mariñeiro ghanés, tripulante do buque afundido a cuxas teses se...