A plataforma a prol da alternativa á variante de Ribeira defende o menor impacto económico e ambiental da súa proposta

17 Xullo 2020

Proxecto alternativo de estrada de circunvalación para Ribeira

A plataforma de propietarios afectados polas expropiacións pola variante de Ribeira, da que falamos en xuño dende este mesmo medio, compartiu con nós un pasquín informativo no que fan saber, de xeito gráfico e sintetizado, as razóns polas cales consideran que o proxecto oficial de circunvalación non é o máis axeitado para facilitar as comunicacións no concello e na cidade. No novo comunicado reflicten con detalle as características do trazado alternativo que propoñen e que foi deseñado polo enxeñeiro rianxeiro Alejandro Piñeiro Lema, unha contribución (o seu proxecto fin de carreira) que foi galardoada co Premio Ovisa.

Segundo insisten os membros da comisión, “Ribeira merece unha estrada de circunvalación que cumpra cos seguintes requirimentos”: que permita o desenvolvemento integral da cidade e a creación de novas zonas urbanizábeis; que posibilite un tráfico máis fluído co menor impacto ambiental; que sexa económica, “tal e como se recolle no proxecto de enxeñaría que aportamos”, sinalan, recalcando que esta proposta alternativa de circunvalación obtivo o Premio Ovisa en 2018 logo de ter obtido a cualificación de sobresaliente.

O trazado oficial da variante

Respecto do último punto, o do menor custe, lembran que o investimento que se deriva deste proxecto é de algo máis de 8 millóns de euros, menor que o de case 9,5 millóns da proposta inicial. Isto, recordan, débese en parte que a variante defendida polo Concello e a Xunta discorrería por un meirande número de fincas urbanizábeis, “encarecendo o custe e minimizando as opcións de medre urbanístico da cidade”.

A plataforma, pola contra, insiste en que “a estrada variante oficial” é “un parche aos problemas de Ribeira” que “utiliza treitos de estradas xa existentes que teñen excesiva pendente”, que “limita o crecemento integral de Ribeira”, que “incrementa o tráfico rodada nas Casas Baratas e nas Abesadas”, que “necesita mover 332.000 metros cúbicos de terras, co consecuente impacto ambiental”, e que “ten maior custe económico”.

Outros artigos

Iniciada a reparación da rampla do peirao de Aguiño

A empresa Audeca comezou os traballos de reparación da danada rampla do peirao de Aguiño, en Ribeira, unha obra longamente esperada pola confraría local e que requiriu máis dun ano de tramitación. O custo da actuación ascende a uns 40.000 euros. A obra divídese en...

+

Ribeira presenta o programa de conciliación para o verán 2024

Concello O segundo tenente de alcalde Vicente Mariño e a concelleira Tania Redondo presentaron hoxe o programa de conciliación Días Sen Cole de cara ao verán deste ano 2024.A área de Servizos Sociais Comunitarios impulsa os campamentos de conciliación durante as...

+

Publicidade

Revista en papel

Opinión

“No cárcere” – Xulio Xiz

“No cárcere” – Xulio Xiz

Como membro dunha sociedade democrática, con poderes básicos, forzas executoras, leis que marcan reglas de xogo, presunta igualdade de oportunidades e plena integración en Europa, calquera de nós corre perigo de pechar os ollos e coidar que vive nun mundo camiño da...