A Audiencia da Coruña condena a 12 anos de cárcere un acusado de atracar unha gasolineira e disparar a un empregado

22 Xullo 2020

A sección sexta da Audiencia Provincial da Coruña, con sede en Santiago, condenou a doce anos e dous meses de cárcere un dos dous sospeitosos de atracar unha gasolineira situada na AC-550 en xaneiro de 2019. Os xuíces absolveron ao outro acusado porque aseguran que non quedou probada a súa participación nos feitos.

O tribunal considera acreditado que o condenado disparou nunha perna ao empregado da estación de servizo á que se desprazou nunha motocicleta que subtraeu previamente dunha vivenda. Á vítima do disparo, que tiña 22 anos, quedáronlle graves secuelas, polas que o procesado deberá pagarlle unha indemnización de 82.000 euros. Os maxistrados considerárono culpable dun delito de roubo con forza en casa habitada e doutro de roubo con violencia, coa agravante de disfrace, así como dun delito de lesións con deformidade, coa agravante de aleivosía, e doutro de tenencia ilícita de armas, coa concorrencia da atenuante de drogadicción.

“O uso da arma de lume por parte do acusado de forma sorpresiva cando a vítima se achaba enfronte del, sen posibilidade de defensa é, sen dúbida, un ataque aleivoso, non só polo inesperado e imprevisible da agresión, senón tamén pola propia forma de executala, eliminando todo risco de reacción defensiva por parte da vítima”, salienta a Audiencia na sentenza.

Outros artigos

Ribeira convoca ao voluntariado para limpar a praia de Coroso

Este venres 25 de abril, a concelleira de Medio Ambiente, Antía Alberte, e máis o concelleiro de Mar, Fernando Abraldes, anunciaron que o vindeiro sábado 3 de maio, a partir das doce na praia de Coroso e á altura da Escola Oficial Náutico Pesqueira, procederase a...

+

Publicidade

Revista en papel

Opinión

“Hay cardenales que no creen en Dios” – Manuel Domínguez

“Hay cardenales que no creen en Dios” – Manuel Domínguez

Hay cardenales que no creen en Dios. Pero antes de empezar con el tema diré que ya se realizó el primer milagro de Francisco. Alguien puede decirme como 140 señores de promedio 75 años pueden aguantar 5 horas sentados al sol sin hacer 3,14 - 3,14, es decir pipi. Vamos...