Verdegaia e o Movemento Galego polo Clima celebran este venres en Ribeira o Día Mundial do Medio Ambiente

05 Xuño 2020

Este venres 5 de xuño celebramos unha gran xornada para reivindicar, reflexionar e, sobre todo, para mudar os nosos hábitos de vida cara a modelos máis sustentábeis e limpos: o Día Mundial do Medio Ambiente. Na nosa comarca levaranse a cabo actividades para conmemorar a xornada, aínda que por mor da actual situación sanitaria apostarán por formatos controlados e non multitudinarios. Esta é a fórmula da celebración programada en Ribeira, da man de activistas do concello integrados no Movemento Galego polo Clima e Verdegaia, que participarán na praza do Concello “nunha acción simple, descentralizada e segura”, semellante á que están programadas para outros puntos da xeografía galega e do Estado. Será un acto “pola xustiza social e ambiental”. A concentración de Ribeira, que non se fixo pública e que terá un número máximo de asistentes, celebrarase na praza do Consistorio ás 20.30 horas.

Na xuntanza, a comunidade local do Movemento polo Clima e Verdegaia reclamará “unha transformación xusta, que free a desigualdade social, que poña fin ao incremento da temperatura global, que remate coa exclusión das persoas, que garanta unha sanidade pública e unhas condicións de vida dignas”.

Tamén buscarán apelar á xustiza social e global e farán unha proclama firme contra a xenofobia e o racismo estrutural, alimentados de continuo “pelos discursos de odio e pelos silencios cómplices que os acompañan”. As organizacións lembran que “agora máis ca nunca, trala experiencia vivida pola situación de alarma sanitaria, debemos ser conscientes e actuar en consecuencia a prol do coidado do noso entorno”. Ante nós, recordan, “temos desafíos de gran magnitude”, que son a emerxencia climática e ecolóxica, o esgotamento dos recursos naturais e o incremento das desigualdades sociais”.

Segundo apuntan, o Estado de Alarma guindounos unhas cantas ideas de valor e serviunos para ver que é posíbel convocar a toda a sociedade de maneira activa para un obxectivo común. O confinamento, sosteñen, tamén mostrou efectos moi positivos para a biodiversidade galega e parámetros de calidade ambiental, como a diminución da contaminación atmosférica, “ao tempo que nos fixo máis conscientes de cales son as nosas actividades e accións cotiás que contribúen a degradar o medio natural, con forte impacto para a biodiversidade e tamén para a nosa saúde, pois inevitablemente acaba repercutindo nas nosas vidas”.

Outros artigos

O Concello de Ribeira xa dispón do seu propio bastón

Entrega do bastón de mando (imaxes de José Manuel Martínez, Concello de Ribeira) Na maña do pasado 14 de xuño celebrouse a xunta de coordinación ordinaria no Concello de Ribeira, unha xuntanza que rematou dun xeito que tivo pouco de ordinario: coa estrea oficial, no...

+

Ribeira homenaxea este martes á actriz Susana Sampedro

Este martes 25 de xuño o Concello, a Corporación e a cidadanía de Ribeira van render homenaxe á actriz local Susana Sampedro (Ribeira, 1978), recentemente distinguida co Premio Mestre Mateo 2024 á mellor actriz de reparto na longametraxe Matria, de Álvaro Gago,...

+

Publicidade

Revista en papel

Opinión

“La Confianza” – José Antonio Constenla

“La Confianza” – José Antonio Constenla

En la actualidad atravesando una crisis de confianza, con mil explicaciones, pero ninguna sencilla ni clara, que dificulta la comprensión del mundo en el que vivimos. Un efecto de estos es que los discursos no sintonizan con la realidad en la que estamos inmersos....