Sanidade publica a adxudicación definitiva das novas oficinas de farmacia en Lesón (A Pobra) e Oleiros (Ribeira)

12 Xuño 2020

O Diario Oficial de Galicia publica, na súa edición de hoxe, unha resolución da Secretaría Xeral Técnica da Consellería de Sanidade, pola que se adxudican definitivamente as 41 novas oficinas de farmacia ofertadas no concurso público convocado mediante Resolución do 2 de xullo de 2018.

Na comarca foron adxudicadas as farmacias de A Pobra: Barrosa Vázquez, Manuela 020000 Lesón (Santa Cruz) A Pobra do Caramiñal e

Ribeira: Goldar Cora, Margarita 060000 Oleiros (San Martiño) Ribeira

Cómpre remarcar que, por primeira vez, a adxudicación realizouse nun acto único, celebrado o pasado mes de xaneiro, ao que foron convocados os 604 participantes no concurso público axilizando así o proceso e reducindo o tempo de elección a un único día.

Sanidade destaca a importancia da adxudicación destas 41 oficinas, cun particular énfase no rural. De feito 20 das novas farmacias, case a metade das adxudicadas, poderán abrir en concellos de ámbito rural. As restantes repartíronse con 14 para zonas semiurbanas e 7 para zonas urbanas con crecemento poboacional.

Neste concurso fortaleceuse a carreira profesional exercida no ámbito da farmacia comunitaria. Proba delo é que dos 41 primeiros postos no listado de concursantes, 32 exercen como farmacéuticos adxuntos en oficinas de farmacia. Na baremación deste novo concurso, a experiencia profesional foi o criterio de maior peso a efectos de valoración, pasando dun máximo de 30 puntos, conforme ao baremo anterior, a un máximo de 60.

Outros artigos

Publicidade

Revista en papel

Opinión

“A vivenda” – José Manuel Pena

“A vivenda” – José Manuel Pena

É un ben de mercado para o negocio particular ou un dereito básico, fundamental e humano, como pode ser a educación, a sanidade, a prestación por desemprego ou a xubilación? A vivenda, en Galicia e no resto de España, continúa sendo un negocio e un ben de...