Ribeira e Dodro comezan a traballar coa Deputación para perfilar a estratexia dixital da provincia

30 Xuño 2020

Os Concellos de Ribeira, Dodro, As Pontes e Curtis compartiron coa Deputación da Coruña os seus principais desafíos en materia tecnolóxica e de Administración Electrónica (eAdministración), ao tempo que lle achegaron á entidade provincial a súa visión de como debera ser o seu papel no impulso das novas ferramentas. Estes retos foron compartidos na primeira das mesas de traballo que organiza a Deputación para definir a estratexia dixital da provincia. Serán seis encontros online, destinados a detectar as necesidades de concellos, das empresas e da cidadanía.

Como dixemos, na sesión de apertura participaron representantes das administracións locais de Ribeira, As Pontes, Curtis e Dodro, debatendo sobre diferentes temas relacionados coa definición da estratexia. Na reunión falouse dos principais problemas tecnolóxicos que afectan aos concellos e a cidadanía, a valoración das actuacións e programas desenvolvidos pola Deputación até a data actual ou cal debería ser o papel que xogue a Deputación neste ámbito nos próximos anos.

Amais, empezaron a definirse as prioridades e identificáronse iniciativas concretas para incluír na folla de ruta do futuro dixital da Deputación.

Con esta iniciativa, a institución que preside Valentín González pretende “coñecer en detalle as necesidades dos organismos da provincia e a xente que se relaciona con eles, reforzando e facilitando a relación entre ambas e facendo que a provincia da Coruña poida ser un referente no eido tecnolóxico das institucións públicas”.

A Deputación da Coruña atópase nun proceso de deseño e definición do seu futuro dixital da provincia, que busca promover e mellorar as tecnoloxías dentro da propia entidade provincial e facilitar o acceso ás Tecnoloxías de Información e Comunicación (TIC) de todas as persoas, empresas e administracións locais da provincia, así como promover a dixitalización do sector mediante a creación de novos servizos e ferramentas baseados na tecnoloxía.

En datas vindeiras habilitarase unha web a través da cal a sociedade pode facer as súas achegas, suxestións ou queixas no ámbito dixital da provincia.

Outros artigos

Publicidade

Revista en papel

Opinión

“Enfermedades terminales”. José Manuel Pena

“Enfermedades terminales”. José Manuel Pena

Estos últimos días las visitas al hospital fueron frecuentes para acompañara un buen amigo que se encuentra viviendo unos difíciles momentos por sudelicado estado de salud. Esta circunstancia me abrió un poco más los ojos ala realidad del sufrimiento, el dolor, el...

“Mellor é falar”. Luís Celeiro

“Mellor é falar”. Luís Celeiro

Moitos dos lectores lembran como era aquelo de chamar por teléfono aos parentes deMadrid ou de Barcelona, ao noivo de Lleida ou de Cádiz, ao veciño emigrante en Suíza ou encalquera lugar industrial de Alemaña. Moitos aínda se acordan hoxe daquel teléfonoparroquial que...