Portugal e Galicia reabren a súa fronteira o luns. Os locais de lecer nocturno poderán abrir terrazas antes do 1 de xullo

11 Xuño 2020

A delegación do goberno de Galicia informou hoxe que o vindeiro luns 15 de xuño abriranse tres pasos fronteirizos entre Galicia e Portugal. Trátase dos viais que conectan as localidades de Arbo e Melgaço, Salvaterra do Miño e Monçao, e Tomiño e Vilanova de Cerveira, que se abrirán ao tránsito de vehículos entre as 8.00 e as 22.00 horas de cada día.

A decisión aumenta os puntos de acceso de Galicia a Portugal, xa que desde o peche de fronteiras tan só se permitiu a circulación entre Verín e Chaves e entre Tui e Valença, aínda que nas últimas semanas tamén se habilitou o paso entre Calvos de Randín e Tourén.

Por outra banda os locais de lecer nocturno poderán abrir as súas terrazas antes do 1 de xullo, data na que está previsto que a Xunta levante a prohibición e permita o uso do interior de discotecas e salas, onde será obrigatorio o uso de máscara. Así o acordaron na reunión mantida este xoves entre o vicepresidente da Xunta, Alfonso Rueda, e representantes do sector, entre os que figuraron o presidente da Asociación Galicia de Noite, Luís Diz, e o presidente de Fesdiga, Samuel Pousada.

Outros artigos

Xoves regresa o sol e sobe a temperatura

Galicia irá quedando durante o xoves baixo influencia anticiclónica. Con esta situación, agárdanse bancos de néboa matinais en zonas de interior, que darán paso a ceos con poucas nubes en xeral. As temperaturas mínimas terán un lixeiro descenso, mentres que as máximas...

+

Publicidade

Revista en papel

Opinión

“Cando existen intereses contrapostos na pesca”. Antón Luaces

“Cando existen intereses contrapostos na pesca”. Antón Luaces

Dicirmos que hai diverxencia entre o sector pesqueiro e os gobernos (autonómico e/ou central) non é descubrir, arestora, o Atlántico. Resulta tan evidente ese desencontro, que só a desunión permanente no eido da pesca marítima explica que o sector, en Galicia e as...

“Transcendencia”. Xulio Xiz

“Transcendencia”. Xulio Xiz

Hai uns días, pasando ao lado do edificio da Subdelegación do Goberno, escoitei a voz de Alberto Cortez, procedente dunha fiestra veciña, cantando “El abuelo”. A canción fíxome pensar nas raíces galegas do cantante arxentino, na influencia dos galegos na conformación...