O sonense Anxo Queiruga, reelexido presidente da confederación estatal de persoas con discapacidade

O sonense Anxo Queiruga seguirá outros catro anos á fronte da Confederación Española de Persoas con Discapacidade Física e Orgánica ( Cocemfe) tras ser reelixido por unanimidade nunha asemblea en liña celebrada este xoves.

Será o segundo mandato como presidente da entidade tras acceder ao cargo hai catro anos. Representantes das 91 entidades de todo o país que participaron na asemblea extraordinaria deron o seu apoio unánime a Anxo Queiruga para continuar na presidencia dunha confederación que aglutina a 1.600 entidades —entre elas Cogami— e representa a máis de dous millóns e medio de persoas.