O Concello de Boiro vén de comunicar o reinicio do proceso selectivo para sete novas prazas de auxiliar de Policía Local que se paralizara con motivo do Estado de Alarma producido pola COVID-19. Segundo lembra o Goberno local, en febreiro publicáranse as bases reguladoras para a selección dos ditos axentes durante seis meses ao longo do 2020. Agora, ao abeiro do plan para a desescalada das medidas de prevención, retómase o desenvolvemento dun proceso que o mércores da semana vindeira incluirá a realización das probas de aptitude física e teóricas dos aspirantes seleccionados.
A listaxe definitiva de persoas admitidas e excluídas no proceso por verse na páxina web do Concello de Boiro, www.boiro.gal, e no taboleiro de anuncios da Casa Consistorial.
