A Comisión abordou tamén outros asuntos, como unha nova
convocatoria de cursos gratuítos do plan Ribeira Academy cuxo prazo
de inscrición abrirá o vindeiro 15 de xuño. Poderán beneficiarse 400
persoas, con prioridade para persoas en paro, autónomas e
afectadas por ERTEs.
Tamén na semana do 15 de xuño está previsto a apertura das tres
liñas de axuda elaboradas no marco do Plan Reactiva Ribeira coa fin
de paliar os efectos no noso municipio da crise do Covid-19 :
- Convocatoria de axudas de emerxencia a persoas en situación
de dificultade económica (persoas en paro e afectadas por
ERTEs) como consecuencia do impacto económico provocado
pola crise sanitaria do Covid-19 no municipio de Ribeira. - Convocatoria de axudas para a reactivación económica do
comercio e a hostalería local derivada da crise sanitaria do
Covid-19 no municipio de Ribeira. - Convocatoria de axudas para a mellora e innovación do
comercio local no municipio de Ribeira.
Por outra parte, dende a Policía Local se informou dunha denuncia a
un local de hostalería que vulnerou o horario de confinamento,
mentres que dende Servizos Sociais se dou conta de que durante
este Estado de Alarma se están a atender mensualmente un total de
444 unidades familiares entre Cáritas Parroquial, ICE Renovación e o
propio Departamento de Servizos Sociais.
