O Conservatorio Municipal de Ribeira (Conservatorio Enrique Paisal) abrirá o luns 15 ata o 29 de xuño o prazo para matrícula na proba de acceso ao primeiro curso de grao profesional . A proba terá lugar en setembro en data a determinar.
Con tal motivo, o Concello vai acubillar na súa web un impreso para facilitar a achega de datos das alumnas e alumnos que queiran matricularse con só descargar o devandito documento, completar a información persoal e envialo logo de volta á conta de correo conservatorio@ribeira.gal, acompañado do xustificante de pago e a fotocopia do DNI.
