O Concello de Boiro abriu hoxe o prazo para as inscricións nas actividades dos veráns deportivos 2020, que se van celebrar entre o 29 de xuño e o 30 de agosto. As inscricións e toda a información poden facerse a través do departamento de Deportes de Boiro.
Remo, piragüismo, volei praia, baloncesto, atletismo, tenis, vela… son
algunhas das actividades para rapaces e rapazas que se van levar a cabo este verán. Tamén hai oferta formativa de actividades para mozos e adultos como son tenis, vela e tamén ximnasia para xubilados.
Ademais destas actividades, durante o verán vanse levar a cano outras
competicións deportivas promovidas polas propias entidades como son o campus de natación e triatlón, organizado polo Club de Natación Boiro, o
campus de Volei Praia do Boiro Voleibol, a Copa Concello de Boiro de Fútbol
Veteranos, o campus de fútbol do R.C.D da Coruña…
Pódese solicitar toda a información e facer a inscrición nas distintas
actividades no departamento de Deportes do Concello de Boiro de xeito presencial na Casa da Cultura, mediante o enderezo electrónico
deportes@boiro.org ou o teléfono 981 84 84 25.
